किल्ला

( बालदिन विशेष )

किल्ला मजबूत किती असावा सूर्य देवाचा 

किल्ल्या भोवती खणला खंदक अखिल ब्रह्मांडाचा

खंदकात त्या असंख्य बेटे दूरवर पसरती 

अधे मधे बेटांवरचे दिवे हळूच चमकती 

सूर्याच्या राज्यामध्ये गुरु हा प्रधान 

शुक्रतारा हा सूर्याचा आवडता दरबान 

येताना तो दार उघडतो, येऊन राजा आधी 

गेल्यावरही तिथे थांबतो वागणूक त्याची साधी 

शनी हा पुतण्या राजाचा, अतिशय कारस्थानी

त्याच्या त्रासाला वीटली जनता, म्हणवितो संकटांचा धनी

नेपच्तुन प्लूटो त्याच्याकडे, भालदार चोपदार 

युरेनस नावाचा आहे तेथे त्याच्या साथीदार 

बुध आहे या राजाचा विश्वासू सेवक 

जवळ बसुनी राजाच्या, कानगोष्टी करतो बेशक 

दरबारी या नक्की नाही, पृथ्वीचे या स्थान 

तरी दरबारी टिकून आहे, अखंड तिचा मान

-- अश्विन

© Copyrights Reserved Avadhoot Kulkarni

जर ही कविता कुणाला पाठवायची असेल तर कृपया सोबत ह्या ब्लॉगची लिंक http://mazikalpana.blogspot.com/ सुद्धा पाठवावी ही विनंती.