पोस्ट्स
१३ ऑक्टोबर २०२३
तुटलेल्या आरशाचे तुकड्यांचे कवडसे
अस्थिर पाण्यावरचे तरंग
दिसतात किती वेगळे,
जाड बारीक,
हसरे रागीट
राक्षसा सारखे माझे सर्वकाही नष्ट करणारे,
किंवा देवासारखे
सृजनशील, जपणारे
किंवा कधी नुसतेच कोरडे,
माझी जाणीवही नसणारे
पण खरंच नीट बघितलं तर दिसतात
ते एकच अभंग
माझ्याच मन दर्पणाचे कवडसे
एकाच अद्वैत सागराचे
तरंग
कोणत्याही टिप्पण्या नाहीत:
टिप्पणी पोस्ट करा