पोस्ट्स
५ डिसेंबर २०२३
शेकडो मैल दूरच्या वादळामुळे
उदासवाणा झालेला दिवस माझा
विचारतो काळवंडलेल्या आकाशाला
पत्ता हरवलेल्या उत्साही उन्हाचा
निदान वर्षावाने धुवून तरी टाक
मनाच्या सांदीकोपऱ्यात अडकलेले
बुरसटलेले माझेच काही विचार
मग तेंव्हा मीच शोधीन नवा अर्थ
त्या शेकडो मैल दूरच्या वादळांचा आणि
माझ्या काळवंडलेल्या अकाशाचा......
कोणत्याही टिप्पण्या नाहीत:
टिप्पणी पोस्ट करा