पोस्ट्स
सारखेच सगळे, तरी सगळे वेगळे
सगळे जरी एकच तरीही, एकटेच सगळे
फुले फुले गुंफुनी, पुरी माळ जाहली
सौंदर्याची सुवासाची ईश चरणी वाहिली
माळ जरी एकच तरी, फुल फुल वेगळे
सगळे जरी एकच तरीही, एकटेच सगळे
जन्मलो एकटेच पण, लगेच जुळली नाती
काही तुटल्या, काही जमल्या, फुलल्या रेशीम-गाठी
घट्ट गाठ कितीही, तरी धागे वेगळे
सगळे जरी एकच तरीही, एकटेच सगळे
'मी' स्वतःच जन्मा आलो, अन जगलो आयुष्य माझे
जगताचा आनंद घेतला, वेळी वाहिले ओझे
पण मृत्यू पुढती येता, संपले अस्तित्व वेगळे
सगळे ही एकच, अन एकच सगळे
© Copyrights Reserved Avadhoot Kulkarni
जर ही कविता कुणाला पाठवायची असेल तर कृपया सोबत ह्या ब्लॉगची लिंक
http://mazikalpana.blogspot.com/ सुद्धा पाठवावी ही विनंती.
कोणत्याही टिप्पण्या नाहीत:
टिप्पणी पोस्ट करा