पोस्ट्स
आला आला वारा आला
आला आला वारा, मन ढवळून गेला
गुपित सारे माझे तुला कळवून गेला
आला आला वारा आला
गुपित सारे माझे तुला कळवून गेला
आला आला वारा आला
फुलांचीही लाडे लाडे कुजबुज झाली
गालावर त्यांच्याही फुलली कळी
भिजवले चिंब जश्या कोसळल्या धारा
गार गार मन झाले, वैशाखात गारा
गालावर त्यांच्याही फुलली कळी
भिजवले चिंब जश्या कोसळल्या धारा
गार गार मन झाले, वैशाखात गारा
आला आला वारा आला
ढगाळलेल्या आभाळात कडाडते वीज
ओरडते तुला, जा त्याच्यासवे भीज
भेटते नजर, जाते जगच वाहून
जुना अनुभव नवा वाटतो फिरून
ओरडते तुला, जा त्याच्यासवे भीज
भेटते नजर, जाते जगच वाहून
जुना अनुभव नवा वाटतो फिरून
आला आला वारा आला
स्वच्छ झाले ढग, गेले मळभ धुऊन
नव प्रीत जुळे तुला परत पाहून
तीच तू, मी ही, तरी सर्व काही नवे
पावसाचे थेंब जोडी मनांचे हे दुवे
नव प्रीत जुळे तुला परत पाहून
तीच तू, मी ही, तरी सर्व काही नवे
पावसाचे थेंब जोडी मनांचे हे दुवे
© Copyrights Reserved Avadhoot Kulkarni
जर ही कविता कुणाला पाठवायची असेल तर कृपया सोबत ह्या ब्लॉगची लिंकhttp://mazikalpana.blogspot.com/ सुद्धा पाठवावी ही विनंती.
कोणत्याही टिप्पण्या नाहीत:
टिप्पणी पोस्ट करा