मौन

फिकिर कसली?, जिकिर कसली?, मर्यादेची लकिर कसली

सीमा नच मम अस्तित्वाला, बांधेल मज ती जंजीर कसली?

स्वानंदाचे मुक्त धूमारे, स्वप्रेमाचे नित्य फवारे

कधी सरीता मिळे सागरा? सागर कसला? सरीता कसली?

मी तरी का जपावे मजला? जर मी मेल्याने मी सापडतो

धडपड धडपड साध्य न काही, स्वस्थ राहूनी सर्व साधतो

मी आहे माझीच कल्पना, मी नाही माझीच वल्गना

शब्दरीते एक मौनची उरले, मौनवरी दुजा भाव ना

© Copyrights Reserved Avadhoot Kulkarni

जर ही कविता कुणाला पाठवायची असेल तर कृपया सोबत ह्या ब्लॉगची लिंक 

http://mazikalpana.blogspot.com/ सुद्धा पाठवावी ही विनंती.